ह्या ५ गोष्टी तुमचे दात खराब करू शकतात...
Ya paanch gosti tumche daat kharab karu shaktat
स्वस्थ व निरोगी दात असणे हे प्रत्येकालाच वाटते. जरी काही लोकांमध्ये दात किडण्याचे प्रमाण जास्त असले , तरी काही साध्या वाटणाऱ्या गोष्टी करून तुम्ही आपले दात स्वस्थ ठेवू शकतात. जसं की नियमितपणे दोन वेळा ब्रश करणे आणि दर सहा महिन्याला आपले दात दंतवैद्याकडून तपासून घेणे. काही गोष्टी तुम्ही स्वतः लक्ष देऊन काळजी घेतली तर आपले दात खराब होणे टाळता येते.
१.वारंवार काही चावणे..
दातांचे मुख्यतः काम खाणे आणि चावणे हे असते , एखादी प्लास्टिकची बॉटल उघडण्यासाठी किंवा नख कापण्यासाठी नव्हे. बरेचदा नख चावल्यामुळे हिरडीला आणि दाताला त्रास होतो. असं केल्यामुळे दाताचा काही भाग तुटू शकतो आणि हिरडीला इजा होऊ शकते.
शीतपेय मधील बर्फ सुद्धा काही लोक चावतात. बर्फ खूपच कडक असतो आणि तो दाताच्या enamel ला हानी पोचवून दाताला तडा देऊ शकतो.
काही व्यावसायिकांच्या कामामध्ये (जसं शिंपी आणि सुतार) टाचण पिन किंवा बारीक खिळे दातांमध्ये अडकून काम करण्याची सवय असते त्यामुळेही दातांची झीज होते.
अधिक वाचा -
२.अति प्रमाणात चहा, कॉफीचे आणि शीतपेयाचे सेवन...
चहा व कॉफी मध्ये असणारी साखर दाताला किडायला कारणीभूत ठरते . चहा आणि कॉफी पिल्या नंतर साध्या पाण्याने गुळण्या केल्यास हा त्रास कमी होऊ शकतो.
शीतपेय आम्ल असल्यामुळे दातांची झीज वाढवतात आणि कालांतराने दात ठणकायला कारणीभूत ठरतात.
३.आम्ल पदार्थ आणि चिकट अन्नपदार्थ...
आपल्या सर्वांनाच माहिती आहे की चॉकलेट आणि साखर दातासाठी अपायकारक आहे. त्याचप्रमाणे आम्ल पदार्थ ज्यामध्ये आम्लाचे प्रमाण अतिशय जास्त असतं तेही दाताला खराब करतात. चिकट असलेले अन्नपदार्थ दाताला चिटकून राहतात आणि दाता मध्ये पोकळी करतात.
४.जोरात ब्रश करणे..
ब्रश करणे दातासाठी अत्यावश्यक आहे ,पण तरी जोरात ब्रश केल्यामुळे त्यांची झीज होते , तसेच हिरडीला इजा होते. योग्य पद्धतीने मऊ केसांच्या टूथब्रश ने दात स्वच्छ केल्यास दातांचे आयुष्य वाढते. तसेच दर तीन महिन्याने टूथब्रश बदलावे. सर्दी खोकला ताप तसेच इतर आजार झाल्यानंतरही ब्रश बदलणे केव्हाही चांगले.
त्याचप्रमाणे काही खाल्ल्यानंतर लगेच ब्रश केल्यामुळे सुद्धा दातांना त्रास होतो आणि दातांचे इनॅमल खराब होते . हे टाळण्यासाठी काहीही खाल्ल्यानंतर किमान ३० मिनिटानंतर ब्रश करावे.
५.दात कोरण्यासाठी काड्यांचा वापर..
काही लोकांना जेवण झाल्यानंतर दातांमध्ये अडकलेले अन्न काढण्यासाठी काडी किंवा टूथपिक वापरण्याची सवय असते . त्यामुळे तात्पुरते जरी बरे वाटत असले तरीही दाताला व हिरडीला इजा होते . त्याचप्रमाणे हाडाचीही झीज होते.
दातांमध्ये काड्यांचा वापर करण्यापेक्षा आपल्या दंतवैद्याला दाखवून त्याचा कायमस्वरूपी असा उपचार करून घेणे चांगले.
वरील सर्व वाईट सवयी सोडल्यास दात स्वस्थ , बळकट व निरोगी ठेवण्यास नक्की मदत होईल.
आणखी काही शंका प्रश्न असल्यास खालील कॉमेंट बॉक्स मध्ये विचारावे.
©Dr.RahulBhadage
Comments
Post a Comment
आणखी माहिती साठी, आपले प्रश्न किवा संदेश कॉमेंट बॉक्स मध्ये लिहा.