" डॉक्टर साहेब, दात काढल्यावर माझे डोळे तर खराब नाही होणार...!"

रोज , म्हणजे अगदी रोजच, हा प्रश्न मला आणि माझ्या सारख्या अनेक दंत रोग तज्ज्ञांना विचारला जातो. " डॉक्टर साहेब, दात काढल्यावर माझे डोळे तर खराब नाही होणार, माझी दृष्टी तर नाही जाणार? " 

आणि याचे उत्तर एकच असते , " डोळ्यांचा व दातांचा तसा काही एक संबंध नाहीये, म्हणून काळजी करण्याचं काही कारण नाही. "

हा एक खूप मोठा गैरसमज आहे की  दात काढण्यानंतर दृष्टी जाते किंवा कमी होते. खरं तर दात काढल्यावर कधीच दृष्टी कमी होत नाही. याला काही शास्त्रीय कारणे सुद्धा आहेत.
डोळ्याला व दाताला रक्तपुरवठा करणारी रक्तवाहिनी व संवेदनांचे ज्ञान असणारी नसा या वेगवेगळ्या असतात. त्यामुळे दात काढल्यानंतर डोळ्यावर काहीही परिणाम होत नाही . हा गैरसमज का पसरला याची काही कारणे सुद्धा आहेत.

दात स्वच्छ करणे (स्केलिंग) म्हणजे नेमके काय?

ब-याचदा दाताची समस्या चाळिस या वय नंतर होत असतात. 40 या वया नंतरच बऱ्याच लोकांना जवळचे दिसायला अडचण निर्माण होते. अशावेळी डोळ्यांची तपासणी केल्यास जवळची दृष्टी खराब झाली आहे असं निदर्शनास येते. अशावेळी डॉक्टर चष्मा लावण्याचा सल्ला देतात. याचाच विपर्यास करून लोक निष्कर्ष काढला जातो की दात काढल्यामुळे दृष्टी कमी झाली आहे. परंतु, शास्त्रीयदृष्ट्या यात अजिबात तथ्य नाही.
कधीही , जर दात वाचण्यासारखा असला तर दात वाचवायलाच पाहिजे पण जर दात संपूर्णपणे खराब झाला असेल आणि त्यात इन्फेक्शन झाले असेल तर तो काढलेला योग्य असतो, ज्यामुळे ते इन्फेक्शन पसरत नाही आणि इतर दातांना खराब करत नाही.

ब्रेसेस वा क्लिप्स ट्रीटमेंट बद्दल काही नेहमी विचारले जाणारे प्रश्न.

आणि दात वाचवायचा का काढायचा हा निर्णय तुमचे दंतरोग तज्ञ योग्यप्रकारे घेऊ शकतात.
त्यामुळे जर दात काढायचं ठरलं तर दातामुळे दृष्टी खराब होईल हा गैरसमज मनातून काढून टाकावा आणि आपल्या दंतरोग तज्ञांचा सल्ला ऐकावा.

Dentist at Nashik

-- डॉ राहुल भडागे
९८६०८८४६४८
©Dr. Rahul Bhadage