तंबाखूमुळे ह्या पाच प्रकारचे आजार आपल्याला होऊ शकतात..-- डॉ राहुल भडागे

तंबाखूमुळे ह्या पाच प्रकारचे आजार आपल्याला होऊ शकतात.

5 Health hazard of Tobacco 

तंबाखू उत्पादनात आणि सेवनात भारताचा जगात द्वितीय क्रमांक लागतो.WHO  च्या जागतिक अहवालानुसार भारतात 15 वर्षावरील, 35 टक्के लोक तंबाखूचे सेवन करतात.तसेच दरवर्षी दहा लाख लोक तंबाखूच्या सेवनामुळे मृत्युमुखी पडतात.

महाराष्ट्र शासनाच्या धोरणानुसार गेल्या अनेक वर्षांपासून  महाराष्ट्रात गुटखा बंदी आहे , त्यामुळे गुटखा व तंबाखू च्या सेवनाचे प्रमाण कमी झाले आहे , तरीही लपून का असेना  गुटख्याचे सेवन तसेच त्याची विक्री चालू आहे हे जग जाहीर सत्य आहे.

सर्वांना माहीत आहे की तंबाखू आणि गुटख्याचे सेवन आरोग्यासाठी अपायकारक आहे. त्याबद्दल नियमित सांगण्यात येते . तरीही अनेक लोक या व्यसनाच्या अाधीन झालेले आहे.

ह्या लेखात आपण तंबाखूचे मौखिक  आणि शारीरिक आरोग्यावर होणारे दुष्परिणाम समजून घेणार आहोत.

©Dr. Rahul Bhadage

तोंडातून घाण वास येणे.. 

तंबाखू मग ती खाण्याची असो किंवा बिडी व सिगरेट मधून घेण्याची ,त्याचा वापर केल्यानंतर तोंडामध्ये त्याचा वास राहूनच जातो. तंबाखूच्या सेवनामुळे लाळ तयार होण्याची क्षमता कमी होते त्यामुळे तोंडाचे आजार उद्भवतात.

दाताचा रंग खराब होणे.. 

तंबाखूमध्ये निकोटिन चे प्रमाण जास्त असते. 

निकोटीन दाताच्या वरील थरा वर सहज शोषला जातो.निकोटिन जरी रंगहीन असला तरी जेव्हा तो ऑक्सिजनच्या संपर्कात येतो तेव्हा तो दाताचा रंग पांढरा पासून पिवळा करतो. जे लोक तंबाखू खातात त्यांच्या थुंकी मध्ये निकोटीन मिसळल्या जाते आणि त्यामुळे ते तोंडात जास्त वेळ राहते आणि यामुळे दात त्यांचा रंग पिवळा आणि नंतर काळा असा पडतो.

हिरडी चे आजार.. 

तंबाखूच्या सेवनामुळे हिरडीचे आजार होण्याचे प्रमाण जास्त असते. याचे कारण निकोटीन दातांच्या हिरडी जवळ असणाऱ्या प्लाक (plaque) सोबत मिळून , हिरडी ला होणारा रक्त पुरवठा कमी करतो . त्यामुळे हिरडीला होणारे इन्फेक्शन वाढते. तोंड कोरडे पडते आणि त्यामुळे हिरडीला इजा होते.

तंबाखूच्या नियमित वापरामुळे हिरडीची झीज होते आणि त्यानंतर दाताला धरून ठेवणार्या हाडाची सुद्धा झीज होते.  अतिरिक्त झीज झाली तर दात हलायला लागतात आणि त्यानंतर दात गमवावा सुद्धा लागू शकतो. 

These food items are harmful for your teeth

तोंडाचे कॅन्सर होण्याचं प्रमाण वाढते.. 

80 ते 90 टक्के तोंडाच्या कॅन्सरचे कारण फक्त तंबाखूचे सेवन हेच असते.त्यामुळे जर आपल्याला स्वतःच्या तोंडाची काळजी असेल आणि कॅन्सरचा धोका टाळायचा असेल तर सर्वप्रथम तंबाखूचे सेवन थांबवायला पाहिजे.

तंबाखूमुळे कॅन्सर व्यतिरिक्त इतरही आजार होत असतात.

तंबाखूमुळे थुंकी तयार करणाऱ्या ग्रंथींना आजार होण्याची संभावना असते.

तोंड येण्याची म्हणजेच ULCER होण्याची कारणे आणि उपचार

©Dr. Rahul Bhadage

 हृदयविकार...

तंबाखूमुळे ह्दय आणि रक्त वाहिन्‍यांचे विकार, ह्दयरोग, छातीत दुखणे, हृदयविकाराच्‍या झटक्‍यामुळे अचानक मरण येणे, स्ट्रोक म्हणजेच मेंदूचा विकार हे रोग सुद्धा होतात.

तंबाखू किंवा धूम्रपाना मुळे मधुमेह होण्‍याची शक्यता जास्त असते.

तर तंबाखू मुळे फक्त मौखिक च नाही तर संपूर्ण शरीराला त्रास होतो. पुढील लेखात तंबाखू च व्यसन कसं सोडवता येईल, त्याबद्दल माहिती घेऊ .

तंबाखू गुटखा चे व्यसन कसे सोडता येईल?

आपले काही प्रश्न असल्यास कॉमेंट बॉक्स मध्ये विचारावे. 

©Dr. Rahul Bhadage

-- डॉ राहुल भडागे